Cyfle Olaf Taith Mongolia
English version
Am fynd ar daith i rywle nad yw'r rhan fwyaf o bobl byth am fynd iddo?
Mae Dyfodol (WYFSD) wedi derbyn arian gan GwirVol er mwyn mynd â grŵp o bobl ifanc ar drên i Fongolia. Byddem ni'n gweithio efo pobl ifanc sy'n rhan o'r mudiad newydd "Mongolian Youth on Climate Change," er mwyn rhannu sgiliau a dysgu am ddiwylliant ac effeithiau newid hinsawdd yng Nghymru a Mongolia.
Rydym yn chwilio am bobl ifanc rhwng 16 a 25 mlwydd oed o Gymru i gymryd rhan yn y prosiect cyffrous hwn. Bwriad y prosiect yw cynnwys pobl o bob cefndir, a rhoi cyfleoedd i bobl ifanc nad ydynt mewn addysg, hyfforddiant, na gwaith.
Bydd y bobl ifanc yn gweithio law yn llaw gydag aelodau ifanc o Dyfodol a staff er mwyn rhoi'r prosiect ar waith, gan gynnwys:
- Creu a datblygu perthynas gyda'n partneriaid ym Mongolia
- Cynllunio'r daith i Fongolia ac yn ôl
- Derbyn hyfforddiant - mewn addysg cyfoedion, sgiliau hwyluso, a dealltwriaeth o effeithiau newid hinsawdd ym Mongolia
- Paratoi'r gwaith fydd yn cael ei wneud ym Mongolia
- Ymchwil i ddiwylliant, iaith ac amgylchedd Mongolia
- Hyrwyddo'r prosiect yng Nghymru a thu hwnt
- Rhannu eu profiadau gyda'u cyfoedion drwy weithdai, creu ffilmiau a dulliau eraill o'u dewis
- Bydd y daith i Fongolia tua mis o hyd, gan gynnwys tua 8 diwrnod o deithio bob ffordd, a phythefnos ym Mongolia ym mis Medi 2011.
Bydd costau yn cael eu talu gan Dyfodol, ond bydd angen codi rhywfaint o arian, a bydd hyn yn cael ei wneud gyda chymorth gweithwyr ieuenctid.
Mae angen i geisiadau ar gyfer Project Mongolia gyrraedd admin@dyfodol.org erbyn 12:00 dydd Gwener 15fed Ebrill. Mae yna lefydd i 8 o bobl ifanc ar y daith. Rydym yn derbyn lluniau, caneuon, straeon, unrhyw beth bron sy'n dangos pam ddylem ni dy ddewis di ar gyfer y daith. Manylion llawn yma: http://wyfsd.org/wp/?p=401 neu cysyllta â ni ar admin@dyfodol.org neu 0845 456 5453.
Delweddau: Lofty Blessings gan The Wandering Angel a childs globe gan John Cooper
