Gwybodaeth » Y Gyfraith, Hawliau a Dinasyddiaeth » Gwahaniaethu
Yn yr Adran Hon
Gwahaniaethu
Gwahaniaethu yw’r gair am drin pobl yn annheg oherwydd pwy ydyn nhw, a gall hyn fod oherwydd eu hil, eu rhyw, eu hanabledd, eu statws priodasol, eu tueddfryd rhywiol neu eu hoed.
Mae gwahaniaethu yn erbyn rhywun ar sail eu hil, eu lliw, eu hoed, eu cenedligrwydd, eu tarddiad ethnig neu genedlaethol, eu rhyw neu eu rhywioldeb yn anghyfreithlon. Ar hyn o bryd, nid yw’n drosedd gwahaniaethu yn erbyn rhywun ar sail eu hoed.
Gall gwahaniaethu fod yn uniongyrchol ac yn amlwg, er enghraifft dau o bobl yn gwneud yr un swydd ond yn cael eu talu ar wahanol gyfraddau oherwydd eu rhyw. Gall hefyd fod yn anuniongyrchol e.e. hysbyseb swydd sy’n gofyn am bethau penodol iawn. Mae cyfraith y DU yn cydnabod y ddau fath o wahaniaethu.
Mae’n gall ystyried a ydych chi wedi gwneud unrhyw beth yn eich bywyd bob dydd yn y gwaith neu’r ysgol neu’r coleg y gellid ei ystyried yn wahaniaethu.
Efallai eich bod chi’n meddwl bod rhywun yn gwahaniaethu yn eich erbyn chi, ac os oes angen cyngor neu help arnoch chi i ddelio â hyn, gall y gwefannau canlynol gynnig cefnogaeth a chyfarwyddyd ichi.
