Gwybodaeth » Iechyd » Iechyd Emosiynol a Meddyliol » Anhwylderau Bwyta
Yn yr Adran Hon
Gall unrhyw un ddatblygu anhwylder bwyta er y bydd yn fwy tebygol o ddigwydd mewn merched ifanc 15-25 oed ac effeithir ar dros 1.1 miliwn o bobl yn y DU yn uniongyrchol gan anhwylder bwyta¹.
Mae'r ymadrodd anhwylder bwyta yn ymdrin ag ystod eang o broblemau gyda bwyd, gan gynnwys newynu (anorecsia), a bwlimia a bwyta mewn hyrddiau. Mae'r rhesymau a'r achosion yn amrywiol ac yn gymhleth.
Mae anhwylderau bwyta yn aml ond nid bob amser yn gysylltiedig â delwedd negyddol o'r corff a hunan-barch isel. Gall hefyd fod yn ymdrech i gael rheolaeth yn ôl pan fo'r person wedi bod mewn sefyllfa lle cymerwyd rheolaeth oddi arnynt.
‘Anorexia Nervosa'
- Mae'r rhai sy'n dioddef yn ofni ennill pwysau, maent yn teimlo'n dew hyd yn oed os ydynt wedi colli cymaint o bwysau fel bod hynny yn dod yn amlwg i bobl eraill.
- Efallai y byddant yn newynu eu hunain drwy fwyta cyfansymiau bach o fwyd yn unig.
- Maent yn aml yn cuddio bwyd, yn dilyn cynlluniau cymhleth i osgoi bwyd ac i ymddangos yn drymach nag y maent.
- Gall rhai esgus bod wedi bwyta pan nad ydynt wedi gwneud hynny
- Gallant ymarfer yn galed, defnyddio carthyddion (‘laxatives') neu wneud eu hunain yn sâl er mwyn colli mwy o bwysau.
- Gall mislif merch stopio neu beidio â dechrau o gwbl.
- Gallant edrych yn dew neu o dan bwysau ac mae'n aml yn anodd ei ddarganfod. Gallant fod yn cael anhawster mawr i reoli eu bwyta weithiau gan fwyta i reolau caeth neu gael cyfnodau o fwyta'n afreolus.
- Mae'r bwyd y maent yn ei fwyta yn aml yn uchel mewn calorïau, braster neu garbohydradau. Wrth i rywun ddechrau teimlo'n llawn, gall teimladau o gywilydd ac euogrwydd eu llethu. Y teimladau hynny sy'n sbarduno'r angen i garthu.
- Gall bwyta afreolus a chwydu yn barhaus wneud niwed difrifol i'r corff. Gall defnydd rheolaidd o garthyddion arwain at glefyd y coluddion a gall diffyg mwynau hanfodol arwain at fethiant yr organau a marwolaeth.
Mae anhwylderau bwyta yn datblygu yn gymharol araf, gyda'r ymddygiadau yn mynd yn fwyfwy cymhleth. Mae'n bwysig cael cefnogaeth cyn gynted â phosibl. Gall triniaeth gynnwys gofal mewn ysbyty, triniaeth gan Feddygon Teulu, dietegyddion, a hunangymorth. Mae cefnogaeth gan ffrindiau a theulu yn bwysig iawn.
¹Beat
