Gwybodaeth » Iechyd » Gwasanaethau Iechyd » Rhoddion
Cerdyn rhoddwr
- Mae cardiau rhoddwyr ar gael yn eang drwy feddygfeydd, fferyllwyr a chyfleusterau iechyd eraill
- Trwy lofnodi a chario cerdyn rhoddwr, fe fydd eraill yn gwybod eich bod chi am roi rhai o’ch organau neu bob un ohonyn nhw os byddwch chi’n marw
- Ymhlith yr organau y gallwch chi eu rhoi mae’r galon, yr ysgyfaint, y pancreas, yr arennau, y coluddyn bach a’r iau. Gellir hefyd rhoi meinweoedd, fel y cornbilennau, y croen, asgwrn a falfiau’r galon
- Bob blwyddyn, bydd mwy na 400 o bobl yn marw tra’n aros am drawsblaniad oherwydd bod yna brinder rhoddion organau
- Mae mwy na 6,000 o bobl yn y DU yn brwydro i ymdopi â salwch difrifol tra’n aros i drawsblaniad gyrraedd mewn pryd
- Gallwch chi egluro’ch dymuniadau ar eich cerdyn rhoddwr neu gofrestru â GIG ar-lein (gwelwch y cyswllt isod)
- Mae’n dal i fod yn bwysig rhoi gwybod i bobl eraill am eich dymuniadau, hyd yn oed os byddwch chi’n cario’ch cerdyn bob amser
- Gallwch chi ddod yn rhoddwr waeth beth yw’ch oed
Rhoi gwaed
- Gallwch chi roi gwaed hyd at deirgwaith y flwyddyn os ydych chi’n 17 oed neu’n hyn
- Gall gwaed sydd wedi’i roi helpu i achub bywydau pobl eraill, gan gynnwys eich teulu eich hun
- Mae’n cymryd rhyw 10 munud ac nid yw’n brifo
- Efallai y byddwch chi’n teimlo ychydig yn benysgafn neu’n flinedig ond ni fydd yr effeithiau’n para’n hir
- Bydd eich corff eich hun yn creu digon o waed i wneud iawn am y gwaed rydych chi wedi’i roi, a hynny cyn pen diwrnodau
- I gael manylion lleoedd i roi gwaed, ewch i wefan Gwasanaeth Gwaed Cymru isod
Rhoddion eraill
- Mae'n bosib hefyd rhoi wyau a sberm i helpu parau anffrwythlon i gael plant
- Mae’n bosib hefyd rhoi mêr esgyrn i helpu pobl â chyflyrau fel lewcemia
