Gwybodaeth » Chwaraeon a Hamdden » Chwaraeon Gaeaf » Sgïo ac Eirafyrdd
- Mae sgïo ac eirafyrddio’n dod yn fwyfwy poblogaidd ymhlith pobl ifanc
- Maen nhw’n fwyaf poblogaidd yn ystod misoedd y gaeaf, rhwng mis Rhagfyr a mis Ebrill, ond gallwch eu gwneud trwy gydol y flwyddyn ar eich llethr sgïo sych lleol
- Mae sgïo ac eirafyrddio’n tueddu i fod yn gampau costus, felly ffordd dda o ddechrau arnyn nhw yw trwy eich ysgol neu’ch llethr sgïo sych lleol
- Mae llethrau sych yn cynnig hyfforddiant am ryw £10 i £30 yr awr, a byddan nhw’n darparu’r holl offer cywir ar eich cyfer chi
- Os ydych yn mynd sgïo neu eirafyrddio ar eira go iawn, bydd rhaid i chi wisgo’r dillad cywir. Dylech chi gadw’n gynnes, gyda digon o haenau, a gwisgo trwser gwrth–ddŵr, o’r enw ’salopettes’ a siaced wrth–ddŵr gynnes hefyd. Mae hefyd yn bwysig i chi wisgo sanau sgïo cywir hefyd. Gallwch brynu’r rhain yn y rhan fwyaf o siopau gweithgareddau awyr agored
- Bydd angen yr offer cywir arnoch chi hefyd, fel bŵts, sgïau neu fwrdd eira. Bydd nifer o siopau yn y rhan fwyaf o ganolfannau sgïo lle y gallwch logi’r offer cywir
