Gwybodaeth » Addysg » Addysg Ôl-16 » Coleg
Yn yr Adran Hon
- Mae yna ddau fath o goleg, sef chweched dosbarth ac addysg bellach (AB).
- Mae colegau Chweched Dosbarth yn darparu cyrsiau ar gyfer myfyrwyr rhwng 16 ac 19 oed, ac mae colegau AB yn cynnig cyrsiau ar gyfer pobl ifanc ac oedolion.
- Fel rheol, mae colegau’n fwy nag ysgolion, a byddwch chi’n cael y cyfle i gyfarfod pobl newydd a gwneud ffrindiau newydd.
- Yn y coleg, bydd disgwyl ichi gymryd mwy o gyfrifoldeb dros reoli eich amser eich hun, ond bydd help a chefnogaeth ar gael o hyd pe bai eu hangen arnoch chi. Gall Gwasanaethau Myfyrwyr yn y coleg roi help ichi os oes gennych chi broblemau ar eich cwrs, gyda materion personol neu arian.
- Fel rheol, gallwch chi wisgo dillad anffurfiol, ond gall rhai cyrsiau fynnu eich bod chi’n gwisgo dillad penodol, e.e. troswisg neu dracwisg coleg.
- Mae colegau’n cynnig ystod eang o gyrsiau, gan gynnwys cyrsiau UG a Safon Uwch, a chyfle i ailsefyll TGAU. Fel rheol, mae’r dewis o gyrsiau sy’n ymwneud â gwaith yn fwy nag mewn chweched dosbarth mewn ysgol.
Sut fedra i ddod i wybod mwy am Goleg?
- Ewch i ymweld â’r coleg ar noson agored neu ddiwrnod agored.
- Darllenwch brosbectws colegau, edrychwch ar eu gwefannau neu edrychwch am wybodaeth am gyrsiau ar gyrfacymru.com Learning Choices
- Siaradwch â’ch Cynghorydd Gyrfa
- Siaradwch â phobl rydych chi’n eu hadnabod sydd eisoes yn y coleg.
