Beth yw ShoutTawe?
Mae Shouttawe yn wefan ryngweithiol sy’n hyrwyddo creadigrwydd a chyfranogiad uniongyrchol wrth ddarparu gwybodaeth am weithgareddau a gwasanaethau sydd ar gael i bobl ifanc Abertawe.
Mae’r safle yn gweithredu o fewn eich Deg Hawl (hawliau pobl ifanc fel y cyflwynir gan Lywodraeth Cynulliad Cymru) ac mae’n cyd-fynd gyda’r Siarter Ieuenctid Ewropeaidd.
Mae Shouttawe yn rhan o CLIC, y Gwasanaeth Gwybodaeth a Chyngor Cenedlaethol i bobl ifanc yng Nghymru, sy’n cael ei ailddatblygu ar hyn o bryd ac yn cynhyrchu safleoedd tebyg dros Gymru gyfan.
Fel defnyddiwr cofrestredig mae gennych gyfle i lwytho eich cynnwys eich hun a’i weld yn fyw. Gallwch ysgrifennu erthyglau, adrodd am bethau sy’n digwydd yn ac o amgylch Abertawe, bod yn ffotograffwyr, dylunwyr neu hyrwyddo digwyddiadau a gweithgareddau. Yn syml, darparu cynnwys am unrhyw beth yr hoffech ei weld yn cael ei gynnwys ar y wefan!
Pwy sy’n ei redeg?
Mae ProMo-Cymru wedi cyllido ai chyflenwi Shouttawe mewn partneriaeth gyda Phartneriaeth Plant a Phobl Ifanc Abertawe. Goruchwylir cynnwys cyfryngol gan Olygydd a Grŵp Golygyddol rhwng 11-25 oed sy’n cyfarfod yn rheolaidd i wneud penderfyniadau am gynnwys a newidiadau technegol - os oes gennych ddiddordeb mewn ymuno’r grŵp neu fynychu un o’r cyfarfodydd gweler yr adran ar sut y gallwch gymryd rhan.
Beth mae eisiau?
Eich cynnwys! Beth bynnag yr hoffech ei rannu: newyddion, adolygiadau, ysgrifennu creadigol, rhagolygon, erthyglau nodwedd, neu rhowch wybod i bawb am eich digwyddiadau neu eich barn. Defnyddiwch ef i ddatblygu eich sgiliau newyddiadurol. Gallwch ychwanegu fideos o YouTube i eitemau newyddion a gallwch lwytho hyd at bum delwedd i gyd-fynd â stori.
Gallwch ddod o hyd i sefydliadau sy’n darparu gweithgareddau a chymorth yn eich ardal a hefyd ddweud pa mor addas i bobl ifanc y teimlwch y bu sefydliad tuag atoch wrth ddefnyddio eu gwasanaeth.
Mae’n rhoi cyfle i chi hefyd addasu cefndir eich tudalen cartref. Edrychwch ar themâu gwahanol a gyflwynwyd eisoes ar y chwith neu yma. Os ydych yn teimlo’n greadigol, darllenwch ein canllaw cyflwyniad cyflym a chyflwynwch rai eich hun.
Cymerwch ddwy funud i gofrestru a gallwch ddechrau gyflwyno pethau. Os ydych angen cymorth, e-bostiwch: youth@swansea.gov.uk
Felly, i grynhoi:
Beth yw Shouttawe?
- Gwefan ryngweithiol a chylchgrawn chwarterol sy’n cynnig gwybodaeth, newyddion a chyngor i bobl ifanc 11 i 25 oed yn Abertawe
- Mae’n caniatáu i bobl ifanc a sefydliadau sy’n gweithio gyda nhw lwytho erthyglau, digwyddiadau, lluniau, fideos a themâu cefndir
- Mae Grŵp Golygyddol o bobl ifanc yn arwain datblygiad y safle
- Rhan o CLIC, y Gwasanaeth Gwybodaeth a Chyngor Cenedlaethol i Bobl Ifanc yng Nghymru
Beth sy’n wych am Shouttawe a CLIC?
- Cynnwys yn cael ei greu gennych chi a’r sefydliadau sy’n cefnogi eich gweithgareddau
- Caniatáu i chi ddweud beth a ddymunwch ac yn rhoi cyfle i chi gyfnewid syniadau
- Creu, datblygu a rhannu gwybodaeth yn lleol ac yn genedlaethol
- Rhannu deunyddiau amlgyfrwng yn dangos eich syniadau a’ch sgiliau creadigol
- Hyrwyddo cyfranogiad a chynhwysiant drwy grwpiau golygyddol a arweinir gan ieuenctid
- Gweithio’n agos gyda rhwydweithiau gwybodaeth ieuenctid ar draws Cymru i rannu adnoddau
- Llwyfan i chi a sefydliadau o roi cyhoeddusrwydd i’ch cynnydd a’ch cyflawniadau
- Tynnu sylw at syniadau ac ymarferion da i bawb ddysgu oddi wrthynt
- Gallwch ddarganfod am brosiectau a sut i gymryd rhan o bob rhan o Gymru
Cwestiynau Cyffredin Shouttawe - eich galwad cyntaf ynghylch yr holl gwestiynau sy’n ymwneud â Shouttawe.
